„Tajna vjere": uz encikliku Pavla VI »Mysterium fidei« od 3. IX 1965

Relationes inter Eucharistiam et Ecclesiam profundius indagare necnon fidelium partes in liturgia, praesertim in oblatione Sacrificii Missae magis actuosas facere;. speciale est ac altum officium Concilii Vaticani II. Paulus VI ardenter monet fideles omnes ne falsi nominis scientia vel novitatum amore seducantur. Mysterium Eucharistiae semper ut mysterium habendun et adorandum sicut convenit doctrinae fidei quae Christum ibi »vere, realiter ac; substantialiter« praesentem confitetur. Haec praesentia speciale est mysterium ac quaedam miraculorum summa. De augustissimo hoc mysterio recte quoque est loquendum. Adsunt termini saeculorum quasi usu consecrati. Ab his recedere nefas est. Nec fidelium munus in oblatione Sacrificii Missae minuendum sed augendum. Offerant et ipsi, in unione cum sacerdote, sacrificiun Deo omnipotenti. Offerant quoque seipsos. Quid, tandem, motui oecumenico magis conveniens quam gratiam unionis omnium in Sacramento unionis, quod est Eucharistia, semper impensius quaerere